भवन निर्माणका लागि डोजर प्रयोग गरी निर्माण कार्य सुरु

हरि ॐ सत्सङ्ग साधना सदनको भवन निर्माणलाई सहज बनाउन डोजर प्रयोग गरी जग्गा सम्मो बनाउने कार्य सुरु गरिएको छ। निर्माण सामग्री ढुवानी तथा आगामी भौतिक संरचना निर्माणलाई सहज बनाउने उद्देश्यले उक्त कार्य अघि बढाइएको हो।

डोजर मार्फत जग्गा सम्मो बनाउने कार्य भएपछि भवन निर्माण कार्य छिटो, व्यवस्थित र सुरक्षित रूपमा अगाडि बढ्ने अपेक्षा गरिएको छ। आयोजकका अनुसार साधना सदन निर्माण कार्यलाई चरणबद्ध रूपमा अघि बढाइँदै लगिनेछ र यसका लागि स्थानीय समुदाय तथा शुभेच्छुकहरूको सहयोग निरन्तर रहने विश्वास लिइएको छ।

भवन निर्माण सम्पन्न भएपछि यस स्थलमा योग, ध्यान, सत्सङ्ग, भजन–कीर्तन तथा अन्य आध्यात्मिक एवं सामाजिक गतिविधिहरू सञ्चालन गरिने योजना रहेको जानकारी दिइएको छ।